٢٠٠٥-٠٨-٢٩



سایتی هاک کراو

ئه‌م‌ دوو سایته‌ی لای خواره‌وه‌ له‌ مانگی هه‌شتدا هاککراون‌، سایتی کاک عبد السلام مدنی ‌،کوردێکی کوردستانی باشوره‌ وسایته‌که‌ی به‌ زمانی عه‌ره‌بی یه‌، که‌ له‌ لایه‌ن میسری یه‌که‌وه‌ هاک کراوه، هه‌روه‌ها وا ده‌رده‌که‌رێت سایتی ڕۆژنامه‌نوس سۆران عومه‌ریش هاک کراوه‌ له‌ لایه‌ن ئێرانیه‌که‌وه

لۆگۆی سایتی کاک عبد السلام مه‌ده‌نی








٢٠٠٥-٠٨-٢٧


بۆ زانیاری‌








ئومێد کوردستانی


ئاماده‌کردنی: کاروان
ئومێد کوردستانی یه‌کێکه‌ له‌ ده‌سته‌ی به‌ڕێوه‌به‌ری زوک مه‌شینی به‌ناوبانگی جیهانی گوگڵه‌، به‌رپرسیاری به‌شی فرۆشتنی نێوده‌وڵه‌تی گوگڵه،کوردستانی له‌ ماوهیه‌کی کورتدا توانی ئاستی فرۆشتنی گوگڵ په‌ره‌ پێبسێنی بۆ قازانجێکی به‌رچاو. کوردستانی زیاتر له‌ 12 ساڵ پسپۆڕی له‌ مه‌جالی ته‌کنه‌لۆژیای پێشکه‌وتو چ بۆ به‌شی تایبه‌ت یان کارگه‌ گشتییه‌کان کاری کردوه‌،هه‌روه‌ها وه‌ک لێپرسراو له‌ لای په‌یوه‌ندییه‌کانی تۆڕی نێتسکه‌یپ کاری کردوه‌.کوردستانی له‌ زۆر شوێنی تریش ده‌ست به‌کار بوه‌ وه‌ک سیتی بانک، ئه‌مه‌ریکا ئۆن لاین، ئامازۆن، ئینتێڵ، ئی به‌ی وزۆرێکی تریش.کوردستانی توانی له‌ ماوه‌ی 18 مانگدا بڕی نرخی نێتسکه‌یپ له‌ 88 ملیۆن دولاره‌وه‌ بۆ زیه‌تر له‌ 200 ملیۆن دۆلار به‌رز بکاته‌وه، ئه‌وه‌ی جێی باسه‌ ئومێد کوردستانی خاوه‌نی ماسته‌ره له‌ ئه‌لیکترۆنیات له‌ زانکۆی ستانفۆردی ئه‌مه‌ریکی،له‌ کۆتایی دا ئه‌وه‌ی جێ ی ئه‌ماژه‌ پێکردن بێت کوردستانی له‌ئه‌سڵدا به‌ ڕه‌گه‌ز کورده‌ و خه‌ڵکی شاری سنه‌یه‌. ڕۆڵی بۆ دۆزی کرد وا دیاره ‌لای کوردستانی جێ ی گرنگی ئه‌ و نه‌بیت‌‌ ‌ ‌

٢٠٠٥-٠٨-٢٦

وێنه‌ی تازه‌ی صدام بڵاوکرایه‌وه‌

وێنه‌ی نوێ ی صدام

دادگای تایبه‌تی سزادانی سه‌رانی ڕژێمی پێشوی عێراق هه‌ستا به‌ بڵاوکردنه‌وه‌ی تازاترین وێنه‌ی صدام حسین
سه‌رۆکی پێشوی عێراق، ژماره‌ی وێنه‌کان سیانن که‌ سه‌رۆکی دادگاکه‌ دادوه‌ری عێراقی "رعد جوحی" تیایدا"تحقیق" له‌ "صدام" ده‌کات. ئه‌مانه‌ تازه‌ترین وێنه‌ی سه‌رۆکی ڕژێمی پێشووه‌ له‌ مانگه‌ مایسه‌وه‌ که‌ ڕۆژنامه‌ی سه‌نی بریتانی هه‌ستا به‌ بڵاوکردنه‌وه‌ی. ئه‌م وێنانه‌ ڕۆژی سێشه‌ممه‌ گیراون له‌ لایه‌ن دادگاکه‌وه‌ که‌ تیایدا دادوه‌ر"رعد جوحی" لێکۆڵینه‌وه‌ له‌ گه‌ڵ صدام ئه‌کات. له‌ هه‌مان کاتدا وته‌بێژێک به‌ ناوی دادگای تایبه‌تی سزادان ڕایگه‌یاند که‌ تائێستا تۆمه‌تی ڕه‌شکوژیه‌کی شاری دوجه‌یل که‌ هه‌وڵی کوشتنی صادام درا له‌ ساڵی 1982 به ڕه‌سمی دراوه‌ته‌ پاڵ صدام، هه‌روه‌ها وته‌بێژه‌که‌ له‌ درێژه‌ی لێدوانه‌که‌ید ڕایگه‌یاندکه‌ صدام هه‌موو پارێزاراکه‌نی ئیزن داوه‌ بێجگه‌ له‌ حلیل الدلیمی نه‌بیت که‌ لای خواره‌وه‌ تازه‌ترین وێنه‌یان له‌ لایه‌ن دادگاکه‌وه‌ بڵاو کراوه‌ته‌وه‌. ئه‌گه‌ر ئام تۆمه‌ته‌و تۆمه‌ته‌کانی تر به‌ سه‌ر صه‌دامدا بچه‌سپێ ئه‌وا به‌پێی یاسای سزا دانی عێراقی صه‌دام دوچاری سزای سێداره‌دان دابێته‌وه
بۆ زانیاری زیاتر کلیکی لینکی دادگای سزادانی تایبه‌تی عێراقی بکه‌ لای خواره‌وه
ئارمی دادگا

صدام و پارێزاره‌که‌ی دلێمی

٢٠٠٥-٠٨-٢٤

كوردستانی بوونی كه‌ركوك به‌ پێی گرنگترین به‌ڵگه‌نامه‌ی عوسمانی له‌ ساڵی(1896)

شاری که‌رکوک

سه‌رچاوه‌: سایتی حکومه‌تی هه‌رێم

چه‌ندین جار ئاماژه‌ به‌و به‌ڵگه‌نامه‌یه‌ی عوسمانی كراوه‌, ئێستا كه‌ توركه‌كان سورن له‌سه‌ر ئه‌وه‌ی نابێكه‌ركوك بخرێته‌وه‌ سه‌ر هه‌رێمی كوردستان, به‌باشی زانین ده‌قی پێناسه‌ی جوگرافیایی (كه‌ركوك) له‌ ئه‌نسكلۆپیدیای عوسمانی كه‌ له‌ساڵی (1896) له‌ چاپخانه‌ی(میهران) له‌ ئیستانبۆڵ چاپ كراوه‌ و شه‌مسه‌دسن سامی(1850-1904) نووسیویه‌تی بخه‌ینه‌‌ به‌رده‌ست.
ئه‌م به‌ڵگه‌نامه‌یه‌ له‌ چاپی پێنجه‌مدا و له‌ لاپه‌رِه‌3846 دا بلاَوبۆته‌وه‌.
شایه‌نی باسه‌ ئه‌م په‌رتوكه‌ ئێستا نوسخه‌یه‌كی له‌ كتێبخانه‌ی به‌ریتانی(Rare Books) له‌ له‌نده‌ن ده‌پارێزرێت.
ئه‌مه‌ی خواره‌وه‌ ده‌قی وه‌رگێرِدراوی به‌ڵگه‌نامه‌كه‌یه‌ له‌ زمانی توركی عوسمانی:
كه‌ركوك: له‌ نێو كوردستانه‌ له‌ ویلایه‌تی موسڵ و كه‌وتۆته‌ دوری 160 كیلۆمه‌تر له‌ باشوری رۆژهه‌لاَتی موسڵه‌وه‌ و له‌خوار زنجیر گردێكه‌وه‌ له‌ ده‌شتێكی پان نزیكه‌. هه‌روه‌ها (وادی ئه‌دهه‌م) له‌سه‌روویه‌وه‌ و ناوه‌ندی سانجاقی شاره‌زووره‌.
ژماره‌ی دانیشتوانی 30 هه‌زار كه‌سه‌.قه‌لاَیه‌ك, 36 مزگه‌وت, 7 قوتابخانه‌‌, 15 ته‌كیه‌ و زاویه‌, 12 خان, 1282 دوكان, 8 حه‌مام, پردێك , روشدییه‌ك, 3 كه‌لیسای هه‌یه‌.
شاره‌كه‌ به‌ نێو قه‌لاَ و ئه‌و گه‌رِه‌كانه‌ی له‌ده‌وروبه‌ر و لای راستی قه‌لاَ درووست كراون پێك دێت. سێ له‌سه‌ر چواری دانیشتوان كوردن و به‌شه‌كانی دیكه‌ش له‌ نستوری, تورك و عاره‌ب و هتد, پێك دێن. 760 ئیسرائیلی(خۆی نه‌نووسراوه‌ یه‌هودی, نووسراوه‌ ئیسرائیلی)460 كلدانی. سه‌ره‌رِای ئه‌وه‌ی كه‌ چه‌ند كاروانسه‌رایه‌كی بۆ بازرگانی هه‌یه‌, كشتوكاڵی به‌راو هه‌یه‌ و له‌ده‌وروبه‌رییه‌وه‌ باخی میوه‌ هه‌ن.له‌ده‌وروبه‌ری شار ئاوی كانزایی و نه‌وت زۆره‌.
له‌شار ئامێری رستن و چنینی قوماش هه‌یه‌.
له‌ شاردا نزیكه‌ی 20 ئامێری رستن و چنینی قوماش هه‌یه‌.له‌شار ده‌باغی ده‌كرێت و ته‌نانه‌ت ئاوریشم به‌رهه‌م دێت. ئاوی شكوفه‌ی پرته‌قاڵ ده‌گیرێت. له‌هاوین ئاو و هه‌وای گه‌رمه‌. ئاو و هه‌وای شار فێنك و پاكه‌. له‌ شاره‌كه‌دا چه‌ند مه‌قبه‌ره‌یه‌كی لێیه‌ و هه‌ندێ پیر و چاكیش قه‌بره‌كانیان خه‌ڵك ده‌چێته‌ سه‌ری.
كه‌ركوك شارێكی كۆنه‌ و ناوه‌ كۆنه‌كه‌شی(كه‌ركوره‌)یه‌.

٢٠٠٥-٠٨-٢٣

به‌ نوسین ده‌ستوور ته‌واو نابێت؟

نوسینی: کاروان ئه‌حمه‌وه‌گی
خه‌ڵکێکی زور واهه‌ست ده‌که‌ن که‌ به‌نوسینی ده‌ستوور له‌ پره‌نسیپی پراکته‌کیزه‌کرندا به‌رقه‌رار ده‌بێت؟
له‌ زۆرێک له‌ وڵاتانی به‌ناو جیهانی سێیه‌م و بگره‌ وڵاته‌ گه‌شسه‌ندوه‌کانیش زۆر له‌ بنه‌مای جوان داڕێژراوه‌ به‌ڵام مه‌خابن دووره‌ له‌ڕۆژانه‌ی ژیانی دانیشتوانی. نوسینه‌وه‌ی ده‌ستور و فیدراڵی بۆ عێراق، دابه‌شکردنی نه‌وت به‌ یه‌کسانی، ئاسایی کردنه‌وه‌ی باری که‌رکوک، پێشمه‌رگه وه‌ک هێزی پاراستنی کوردستان و..هتد ئه‌مانه‌ نابنه ‌زامنی وه‌ده‌ست هێنانی مافه‌کان چونکه‌ چ تاک چ کۆمه‌ڵ هێشتا بنه‌ماکانی ئازادی، دیموکراسی، مافی به‌رامبه‌رجێ ی خۆی نه‌کردوه‌ته‌وه لایان، هێشتا دورن له‌ واقع دا‌‌

٢٠٠٥-٠٨-٢٢

ره‌شنووسی ده‌ستوور پێشكه‌ش به‌كۆمه‌ڵه‌ی نیشتمانی ده‌كرێت

ده‌زگاکانی هه‌واڵ
ئه‌مڕۆ دوو شه‌ممه‌ ره‌شنووسی ده‌ستوور پێشكه‌ش به‌كۆمه‌ڵه‌ی نیشتمانی ده‌كرێت, كوتله‌ سه‌ره‌كیه‌كان گه‌یشتوونه‌ته‌ رێككه‌وتنێكی مامناوه‌ند له‌سه‌ر خاڵه‌ ناكۆكیه‌كان, ئێستا له‌م كاته‌دا كاته‌كانی كۆتایی ته‌واوبوونی ره‌شنوسی ده‌ستووره‌ له‌چوارچێوه‌ی ئه‌و كۆبوونه‌وه‌یه‌ی كه‌ئێستا له‌نێوان كوتله‌ سه‌ره‌كیه‌كان له‌ناویاندا سوننه‌ش به‌رده‌وامه ‌‌هه‌ردوو لیست لیستی هاوپه‌یمانیی كوردستان و لیستی ئیئتلافی یه‌كگرتووی عێراقی رێككه‌وتنێكی سه‌ره‌تاییان ئه‌نجام داوه‌ سه‌باره‌ت به‌ داڕشتنه‌وه‌ی دیباجه‌یه‌كی تێروته‌سه‌ل كه‌سه‌رجه‌م بابه‌ته‌ هه‌ڵپه‌سێردراوه‌كانی تێدا ‌باس بكرێت، هه‌روه‌ها وابڕیاره‌ ئیسلام سه‌رچاوه‌یه‌كی سه‌ره‌كی بێت له‌سه‌رچاوه‌كانی ته‌شریع،سه‌باره‌ت به‌كه‌ركوكیش وابڕیاره‌ له‌كۆتایی (2007)و سه‌ره‌تای(2008)دا پرۆسه‌ی ئاسایی كردنه‌وه‌ كۆتایی هاتبێت و راپرسیی گشتیی له‌و شاره‌دا ئه‌نجام بدرێت.هه‌روه‌ها بڕیاردرا بۆ ئیمزاكردنی په‌یماننامه‌ نێوده‌وڵه‌تییه‌كان ده‌بێت 2\3 ی ئه‌ندامانی په‌رله‌مان ده‌نگی له‌سه‌ر بده‌ن،هه‌روه‌ها سه‌روه‌ت و سامان له‌هه‌رێمه‌كاندا به‌هاوبه‌شیله‌گه‌ڵ ناوه‌نددابه‌كاربهێنرێت،سه‌باره‌ت به‌ مافی چاره‌نووس وابڕیاره‌ له‌ دیباجه‌كه‌دا دیاری بكرێت كه‌گه‌لانی عێراق بتوانن مافی چاره‌نووسی خۆیان ده‌ستنیشان بكه‌ن.هه‌روه‌ها ئه‌م كۆبوونه‌وانه‌ به‌رده‌وام ده‌بن تا ئێواره‌ی ئه‌مڕۆ و بڕیاره‌ لیستی سوننه‌ به‌شداریی كۆبوونه‌وه‌كان بكات،ئه‌گه‌ر به‌شداریش نه‌كه‌ن ئه‌وا هه‌ردوو لیستی هاوپه‌یمانیی كوردستان و ئیئتلافی یه‌كگرتوو به‌هاوبه‌شی ئه‌و كاره‌ ئه‌نجامده‌ده‌ن. ده‌زگاکانی هه‌واڵ

٢٠٠٥-٠٨-١٢

ئامنێستی داکۆکی له‌ ڕاپه‌ڕینه‌که‌ی مه‌هاباد ده‌کات


ئارمی ئامنێستی

وێنه‌ی شه‌هید شوانه ی سه‌ید قادر

وه‌ڕگێڕان له‌ ئینگلیزی یه‌وه‌: کاروان ئه‌حمه‌وه‌گی

ئامنێستی ئه‌م ڕاگه‌یاندنه‌ی بڵاوکرده‌وه‌ له‌ مه‌ڕ‌ ڕاپه‌ڕینه‌که‌ی مه‌هاباد داوای کۆمه‌ک و پشتگیری هه‌موو لایه‌ک ئه‌کات
فه‌رموون ده‌قی وه‌ڕگێردراو له‌ زمانی ئینگلیزیه‌وه‌

ئامنێستی نێوده‌وڵه‌تی

MDE 13/039/2005 بڵاوکراوه‌ی گشتی ژماره‌
UA 194/05 ئێران: گرتن به‌ بێ تۆمه‌ت / مه‌ترسی ئه‌شکه‌نجه‌
22/07/2005

ناسر حه‌مه‌لاوی
به‌هرۆز ئه‌حمه‌دی
سه‌ردار موحه‌مه‌دی
ئارمش خوجه‌سته‌
ئافشین خۆدام
فه‌رهاد خۆدام
هیوا مه‌حمودی
کاظم نه‌وجه‌وانی
یوسف چاپاشی
ئه‌نوه‌ر چاپاشی
جه‌عفه‌ر جه‌باری
حوسه‌ین ڕه‌سولی
سوله‌یمان ئه‌بوبه‌کری
یونس ئه‌حمه‌زاده‌

که‌سێکی زۆر، له‌گه‌ڵ ئه‌م پانزه ناوه‌وه‌ی لای سه‌ره‌وه‌، هه‌موویان کوردن و گیراون به‌ بێ تاوان له‌ نێوان 9 و 15 حه‌وتی 2005 ، مه‌ترسی ئه‌شکه‌نجه‌ و گوزه‌رانی خراپیان لێ ده‌کرێت. ئه‌و پانزه‌ پیاوه‌ی ناویان هاتووه‌ له‌ سه‌ره‌وه‌ هه‌ر هه‌موویان له‌ شاری مه‌هاباد گیراون دوای خۆپیشاندانکانی مه‌هاباد له‌ ئاکامی کوشتنی ( سه‌ید که‌مال ئه‌سته‌م )، ناسراو به‌ (شوان قادر).ئه‌م گیراوانه‌ بۆیان نیه‌ داکۆکیان له‌ سه‌ر بکرێ، نه‌ به‌ شێوه‌یه‌کی‌ فه‌رمی نه‌ له‌لایه‌ن که‌س وکاریانه‌وه‌ وه‌ نه ڕێپێدان به‌‌ جاره‌سه‌رکردنی پزیشکی
شوان قادر به‌ ‌ به‌رهه‌ڵستکارێکی ناوداری نێو لاوانی کورد ناسراوه‌ ڕۆڵیکی به‌رچاوی هه‌بووه‌ له‌ده‌ڕبڕینی ناڕه‌زاییه‌کانی ئه‌م دواییه‌ دژ به‌ حکومه‌تی ئێران له‌ کاتی خۆهه‌ڵبژاردنه‌که‌ی سه‌رۆکایه‌تی ئێران له‌ مانگی شه‌شی ئه‌م ساڵدا. به‌ پێی هه‌واڵه‌کان له‌ 9 ی مانگی حه‌وتی 2005 هێزی ئاسایشی ده‌وڵه‌ت به‌ هاوکاری کورد هێزی پاسه‌وانی لادێکان‌ ته‌قه‌یان له‌ شوان قادر و دوو پیاوی کوردی تر کردوه‌ له‌ شاری مه‌هاباد. له‌ وانه‌ بوبێ شوان قادرله‌هه‌وڵی ده‌ربازبووندا بوبێت به‌ڵام
جارێکی تر ته‌قه‌ی لێکراوه‌ و کوژراوه‌. پاش ئه‌وه‌ هێزاکانی ئاسایشی ده‌وڵه‌ت لاشه‌ی شوان قادریان به‌ دوای جیبێکی جۆری تویۆتا به‌ستووه‌ وڕایان کێشاوه‌ به‌ شه‌قامه‌کاندا تا ئورومیه‌. دوای ئه‌وه‌ شوان قادریان بردوه‌ته‌وه‌ بۆ که‌سو کاری له‌ تابوتێکدا. وێنه‌کانی ته‌رمی شوان قادر له‌وکاته‌وه‌ به‌ربڵاو به‌ ئینته‌رنێت داپیشانی ڕای گشتی جیهان دراوه‌. ده‌سه‌ڵاتدارانی ناوخۆی ئێرانی ئه‌و هه‌واڵه‌یان دووپات کرده‌وه‌ که ڕاسته‌‌ شوان قادرکوژراوه له‌لایه‌ن هێزه‌کانی ئاسایشه‌وه‌، وه‌ دوای ئه‌وه‌یش که‌ هه‌وڵی ڕاکردنی داوه‌ له‌ گرتن‌هه‌رته‌قه‌ی لێکراوه‌
پاش جه‌ند ڕۆژێک له‌م ڕوداوه‌ی کوشتنی شوان قادر هه‌زاران هاوڵاتی مه‌هاباد، که‌ زۆربه‌یان گه‌نج بوون، ڕژاونه‌ته‌ سه‌ر شه‌قامه‌کان بۆ ده‌ربڕینی ناڕه‌زایی. له‌ 15 هه‌مان مانگدا، هێزاکانی ئاسایشی ده‌وڵه‌ت ته‌قه‌یان له‌ خۆپیشانده‌ران کردوه‌ و زۆریان بریندار کردوه‌ که‌ له‌ نێوانیاندا منداڵێک بووه‌. خۆپیشاندانه‌کانی دژ ده‌وڵه‌ت و نائارامیه‌کی مه‌زن روی کرده‌ چه‌ند شارێکی تری کوردستان وله‌ئه‌نجامدا خه‌ڵکێکی زۆر گیراوه‌ له‌ لایه‌ن هێزی ئاسایشی ده‌وڵه‌ته‌وه‌. له‌ 18 ی هه‌مان مانگدا ئه‌فسه‌رێکی ( امدادی نضامی ) کوژرا له‌کاتی خۆپیشاندانه‌کانی دوای بڵاوبوونه‌وه‌ی وێنه‌کانی ته‌رمی شێوێنراوی شوان قادر له‌ سه‌ر تۆڕی ئینته‌رنێت
له‌ 19 ی مانگیشدا وه‌زاره‌تی ناوخۆ تیمێکی لێکۆڵینه‌وه‌ی نارد بۆ مه‌هاباد له‌ سه‌ر داوای پارێزگار. له‌ بڵاوکراوه‌یه‌کی ( هه‌واڵگه‌ری قوتابیانی ئێرانی ) له‌ هه‌مان ڕۆژدا هاتوه‌ که‌ ده‌سه‌ڵاتداری مه‌هاباد وتویه‌تی که‌ ژماره‌یه‌ک له‌ خۆپیشانده‌رانی ئه‌م دوایانه‌ گیراون، به‌ڵام هیچ زانیاریه‌کی تری ئاشکرا نه‌ کرد بوو

زانیاری له‌ په‌راوێزی رووداوه‌کاندا

کورد یه‌کێکه‌ له‌ نه‌ته‌وه‌ سه‌ره‌کیه‌کانی ناو ئێران. زۆربه‌یان له‌ پارێزگای کوردستان و سنوره‌کانی تورکیا و عێراق نیشته‌ جێن
له‌ 6/07/2005 ، نوێنه‌رانی سوونه‌ و کورده‌کان له‌ په‌رله‌مانی ئێران نامه‌یه‌کیان ئاڕاسته‌ی سه‌رۆکی تازه‌ هه‌ڵبژێردراو (موحه‌مه‌د ئه‌حمه‌دی نه‌ژاد) کردوه‌ جه‌ختیان له‌ سه‌ر مافی ڕه‌واو داواکاریه‌کنی کورد و سوونه‌ کردوه . ئیمزاکردوانی ئه‌و نامه‌یه‌ ئه‌مان وه‌ک داوایه‌ک ناساند بۆ ده‌ست به‌کاربوونیان له‌ په‌رله‌مانی نوێدا. هه‌روه‌گا داوایان له‌ سه‌رۆکی تازه‌ کرد که‌ داکۆک بێ له‌سه‌ر مافی سیڤیلی هاوڵاتیان و لێبوردنی ئاینی ، به‌شداری له‌ ده‌سه‌ڵات و کار و سه‌رمایه‌
له‌ پاش ئه‌م نائارامیانه‌ی ئه‌م دواییانه‌ کۆمه‌ڵێکی زۆر له‌ خه‌ڵکان گیراون به‌ بێ تۆمه‌تی دیاری کراو.له‌ نیسانی 2005 ، ڕه‌شبگیرێکی زۆر له‌ خۆپیشاندانه‌کانی پارێزگاکانی خوزستان، ئه‌هواز و شاره‌کانی ده‌وروبه‌ریان ڕوی دا. هێزه‌کانی پۆلیس توندو تیژیه‌کی زۆریان به‌کارهێنا بوو به‌ بێ هیچ گوێدانه‌ ڕێ و ڕێسایه‌کی مرۆڤانه‌ پاش ئه‌وه‌ی خۆپیشانده‌ران حه‌وت له‌ پۆلیس یان هیزه‌کانی ئاسایشیان کوشت بوو

کاردانه‌وه‌ی پێویست

داوا له‌ هه‌موو لایه‌ک ده‌که‌ین که‌ سکاڵا به‌ زووترین کات بنووسن ، به‌ ئینگلیزی، عه‌ره‌بی، فارسی، یان به‌ زمانی خۆت

گرنگی پیدانت به‌ سه‌لامه‌تی ئه‌و پانزه‌ پیاوه‌ی که‌ گیراون ناوه‌کانیان له‌ سه‌ره‌وه‌ هاتون و ئه‌وانه‌ی تریش که‌ له‌ نێوان 9-15/07/2005 دا گیراون له‌ مه‌هاباد
داوا بکه‌ن چی هاتوه‌ به‌ سه‌ر ئه‌و پانزه‌ پیاوه‌ی که‌ گیراون ناوه‌کانیان له‌ سه‌ره‌وه‌ هاتون و ئه‌وانه‌ی تریش که‌ گیراون، ئه‌گه‌ر تاوانبارن بۆ به‌ فه‌رمی بڵاوی ناکه‌نه‌وه‌ و له‌ سه‌ر جی یه‌؟
داوا بکه‌ن که‌ ڕێ بده‌ن به‌ سه‌ر دانی پاریزه‌ر( گه‌ر پێوست بوو) ، که‌س وکاریان، چاره‌سه‌رکردنی پێویست و هتد
داکۆکی بکه‌ن که‌ هێزيکانی ئاسایش با په‌یوه‌ست بن به‌ بنه‌ماکانی مافی مرۆڤ و جاڕی نێوده‌وڵه‌تی مافه‌کانی مرۆڤی نه‌ته‌وه‌ یه‌کگرتووه‌کان و به‌ تایبه‌تی بنه‌مای چواره‌م، که‌ داوا له‌ ده‌سه‌ڵات داران ئه‌کات که‌ توندوتیژی و ‌هێز به‌ کار نه‌هێنن ، وه‌ بنه‌مای نۆیه‌م که‌ ده‌بێت به‌ ئه‌ندازه‌ هێز به‌ کار بهێنرێ و ته‌نها بۆکاتی خۆ پاراستنه‌
داوا له‌ به‌رپرسان بکه‌ن که‌ تیمێکی بێ لایه‌ن ده‌ست نیشان بکه‌ن بۆ به‌ دوا چوونی ڕاستیه‌کان و لێکۆڵینه‌وه‌ له‌ هۆکاری نائارامیه‌کان

ناردنی داواکاریه‌کان

بۆ

ڕێبه‌ری کۆماری ئیسلامی
ئایه‌توڵا سه‌ید علی خامنئی
سه‌ رۆکایه‌تی، جاده‌ی فه‌له‌ستین، چوار ڕیانی ئازه‌ربایجان، تاران
کۆماری ئیسلامی ئێران
ژماره‌ی فاکس: 0098 21 649 5880 ( بگات به‌ ئۆفیسی ئایه‌توڵا سه‌ید علی خامنئی )
info@wilayah.org ئیمایڵ
ئاخاوتن به‌: ڕێزدار

سه‌رۆکی دادگای باڵا
رێزدار ئایه‌توڵا محمود هاشمی شاهرودی
وه‌زاره‌تی داد، پارکی شه‌ هر، تاران
کۆماری ئیسلامی ئێران
ئاخاوتن به‌: ڕێزدار

کۆپی بۆ به‌رده‌م

وته‌بێژی په‌رله‌مان
غۆلام عه‌لی حداد عادل
(مجلسی شورای ئیسلامی )(په‌رله‌مان)
جاده‌ی ئیمام خمینی
تاران
کۆماری ئیسلامی ئێران
ژماره‌ی فاکس: 0098216461746

هه‌روه‌ها
نوێنه‌ری کۆماری ئیسلامی ئێران له‌و شوێنه‌ی لێی نیشته‌ جێ ی یان نزیک لێته‌وه‌
تکایه‌ سکاڵا نامه‌کانتان به‌ خێرایی بنێرن
: بۆ زانیاری زیاتر
http://www.amnesty.org/ سایتی ئامنێستی
بۆبینینی ده‌قی ئینگلیزی ئه‌م ڕاگه‌یه‌ندراوه له‌ سایتی ئامنێستی ئه‌توانی کلیکی ئێره‌ بکه‌یت

http://web.amnesty.org/library/index/engmde130392005
k.haider@wanadoo.nl بۆ هه‌ر سه‌رنجێک
: ‌وێنه‌ی ئه م بڵاڤۆکه‌ له‌ م سایتانه‌ی خواره‌وه‌ بڵاوکراونه‌ته‌وه له‌گه‌ڵ سوپاس و پێزانینمان‌
سایتی ده‌نگه‌کان ڕۆژی 12-08-2005
سایتی کوردستان پۆست ڕوژی 12-08-2005
سایتی ڕۆژهه‌ڵات ڕۆژی 12-08-2005